უკრაინის პარლამენტმა ახალი მთავრობა დაამტკიცა

დღეს უკრაინის პარლამენტმა დაამტკიცა ახალი მთავრობა, რომელსაც პრემიერ-მინისტრის რანგში იულია სვირიდენკო უხელმძღვანელებს.

სვირიდენკო, რომელიც აქამდე ეკონომიკის მინისტრისა და ვიცე-პრემიერის თანამდებობას იკავდება პოსტზე დენის შმიჰალი ჩაანაცვლა. მას ხმამ უკრაინის პარლამენტის 262-მა წევრმა დაუჭირა მხარი (22 წინააღმდეგი, 26-მა თავი შეიკავა).

"ჩვენი მთავრობა გზას ადგას ისეთი უკრაინისკენ, რომელიც მტკიცედ დგას საკუთარ - სამხედრო, ეკონომიკურ და სოციალურ საფუძვლებზე. ჩემი მთავარი მიზანია რეალური, დადებითი შედეგები, რომლებსაც ყველა უკრაინელი იგრძნობს ყოველდღიურ ცხოვრებაში", - თქვა სვირიდენკომ.

დენის შმიჰალი კი უკრაინის თავდაცვის მინისტრის თანამდებობას დაიკავებს.

გარდა ამისა, ვიცე-პრემიერი ოლჰა სტეფანიშინა ზელენსკიმ აშშ-ში თავის ახალ სპეციალურ წარმომადგენლად დანიშნა.

"ამ სტატუსით, ოლჰა იმუშავებს ამერიკასთან ურთიერთობებში იმპულსის შესანარჩუნებლად", - თქვა ზელენსკიმ.

ცვლილებები შეეხო შემდეგ სამინისტროებსაც:

• ენერგეტიკის სამინისტრო — სვეტლანა გრინჩუკი.
• იუსტიციის სამინისტრო — ჰერმან ჰალუშჩენკო.
• ეკონომიკის, ეკოლოგიისა და სოფლის მეურნეობის სამინისტრო — ოლექსიი სობოლევი.
• ევროპული და ევროატლანტიკური ინტეგრაციის მიმართულება — ტარას კაჩკა.
• სოციალური პოლიტიკის, ოჯახის და ერთიანობის სამინისტრო — დენის ულიუტინი.