ტრამპის თქმით, სამშაბათს პუტინთან საუბარს აპირებს

ამერიკის შეერთებული შტატების პრეზიდენტმა დონალდ ტრამპმა განაცხადა, რომ სამშაბათს, 18 მარტს რუსეთის პრეზიდენტთან ვლადიმერ პუტინთან საუბარს აპირებს.

"სამშაბათს პრეზიდენტ პუტინთან ვისაუბრებ. ბევრი სამუშაო შესრულდა შაბათ-კვირას"- თქვა ტრამპმა ჟურნალისტებთან.

დათმობების შესახებ დასმული შეკითხვის საპასუხოდ ტრამპმა თქვა: "ჩვენ ვისაუბრებთ მიწაზე. ჩვენ ვისაუბრებთ ელექტროსადგურებზე".

"ვფიქრობ, ჩვენ უკვე ბევრი გვაქვს განხილული ორივე მხრიდან, უკრაინის და რუსეთის მხრიდან. ჩვენ უკვე ვსაუბრობთ ამაზე, გარკვეული აქტივების გაყოფაზე"- განაცხადა ტრამპმა.