სავარაუდო ძალადობის ფაქტი მე-7 კლასელზე - ვიდეოში ჩანს, როგორ ურტყამს ბავშვს მასწავლებელი
გორის მუნიციპალიტეტის ერთ-ერთი საჯარო სკოლიდან გაათავისუფლეს მასწავლებელი, რომელმაც მე-7 კლასის მოსწავლეზე, სავარაუდოდ, იძალადა.
არსებობს ვიდეო, სადაც ჩანს, როგორ ურტყამს პედაგოგი მოსწავლეს თავსა და ხელზე. ვიდეო საგაკვეთილო პროცესის პარალელურად, გეოგრაფიის გაკვეთილზე არის გადაღებული.
მომხდარის შესახებ სკოლის ადმინისტრაციამ პოლიციას აცნობა, თუმცა, ჯერჯერობით უცნობია, დაიწყო თუ არა შინაგან საქმეთა სამინისტრომ ფაქტზე გამოძიება.
