ოპოზიციური კოალიციები დღეს, 19:00 საათზე პარლამენტთან აქციას გამართავენ

3 ოპოზიციური კოალიციის გაერთიანება დღეს, 19:00 საათზე პარლამენტთან აქციას გამართავს.

როგორც მათ მიერ გავრცელებული განცხადებიდან ირკვევა, აქციაზე მივა საქართველოში ვიზიტით მყოფი ევროკავშირის 8 ქვეყნის საგარეო ურთიერთობათა კომიტეტის თავმჯდომარეების დელეგაციაც.

"დღეს, 11 ნოემბერს, 19:00 საათზე, ვიკრიბებით პარლამენტთან, რომ მთელ მსოფლიოს კიდევ ერთხელ ხმამაღლა ვუთხრათ - საქართველო ევროპაა! აქციის მონაწილეებს სიტყვით მიმართავენ 8 ქვეყნის პარლამენტის საგარეო კომიტეტების თავმჯდომარეები, რომლებიც საქართველოში დღეს ჩამოვიდნენ", - ნათქვამია ინფორმაციაში.