გახარია - საქართველოსთვის: რაც ახლა ხდება, მშვიდობიანი პროტესტის დისკრედიტაციაა
პარტია გახარია - საქართველოსთვის საპროტესტო აქციაზე მიმდინარე მოვლენებს განცხადებით ეხმაურება და ამბობს, რომ "რაც ახლა ხდება - სახალხო მშვიდობიანი პროტესტის დისკრედიტაციაა".
"რაც ახლა ხდება არის სახალხო მშვიდობიანი პროტესტის დისკრედიტაცია! ძალადობა მიუღებელია!
მოვუწოდებთ საქართველოს მოქალაქეებს, არ მიიღონ მონაწილეობა რადიკალურ და დესტრუქციულ პროვოკაციაში!
ამ მოვლენების უმართავ პროცესებში გადაზრდა მხოლოდ საქართველოს სახელმწიფოს მტრების ინტერესებშია!", - ვკითხულობთ პოსტში.
აქციის მონაწილეები ათონელის ქუჩაზე მდებარე ქართული ოცნების პრეზიდენტის, მიხეილ ყაველაშვილის ადმინისტრაციის ეზოში შეიჭრნენ.
შინაგან საქმეთა სამინისტრო აცხადებს, რომ მიმდინარე აქცია გასცდა შეკრებისა და მანიფესტაციის კანონით დადგენილ ნორმებს და კვლავ იმუქრება, რომ სიტუაციის ხელოვნურად ესკალაციის შემთხვევაში, კანონით გათვალისწინებულ ღონისძიებებს გამოიყენებენ.
