27-28 ნოემბერს საქართველოში მოსალოდნელი ამინდი - გარემოს ეროვნული სააგენტო

გარემოს ეროვნული სააგენტოს ცნობით, 27 ნოემბრიდან 28 ნოემბრამდე საქართველოში წვიმაა, მაღალმთიან რეგიონებში თოვლი და ქარბუქია მოსალოდნელი. სინოპტიკოსები თოვლის ზვავებსაც ვარაუდობენ.

სააგენტოს ინფორმაციით, დასავლეთის მიმართულებით ძლიერი ქარი იქროლებს, ზღვაზე კი 5-6 ბალიანი შტორმია მოსალოდნელი.

"მოსალოდნელმა ნალექებმა საქართველოს მდინარეებზე შესაძლებელია წყლის დონეების მნიშვნელოვანი მატება, ხოლო გორაკ-ბორცვიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს.

მთიან და მაღალმთიან რეგიონებში მოსალოდნელი დიდთოვლობის, ზვავსაშიშრიების და ხილვადობის გაუარესების გამო, საავტომობილო გზების ცალკეულ მონაკვეთებზე შესაძლებელია შეიზღუდოს ტრანსპორტის მოძრაობა", - აცხადებს გარემოს ეროვნული სააგენტო.